User Rating: 5 / 5

Дунё ресурслари институти эълон қилган хабарга кўра, Ўзбекистон сувнинг юқори танқислиги мавжуд бўлган мамлакатлар рўйхатига киритилди (25 ўрин). Рўйхатда 164 та давлат жой олган. Уларнинг орасида Афғонистон, Ироқ, Испания, Италия, Қирғизистонҳам, Миср, Португалия ва Туркия бор.

Сув танқислиги ўта юқори бўлган мамлакатлар рўйхатида эса, қўшнимиз Туркманистон билан бир қаторда 27 та давлат жой олган. Жумладан, Қатар, Исроил, Ливан, Эрон, Иордания, Ливия, Кувайт, Саудия Арабистони, БАА, Ҳиндистон ва Покистон бор.
Яна икки қўшнимиз Тожикистон ва Қозоғистон эса рўйхатнинг сув ўртача-юқори танқислиги мавжуд давлатлар қаторида турибди.
Ҳисоботда айтилишича бу мамлакатлар сув ресурсларининг 80 фоизи қишлоқ хўжалиги, саноат ва шаҳарларни таъминлашга сарфланмоқда.
Дунё ресурслари институти (WRI) сув танқислигининг салбий оқибатларини пасайтиришга ёрдам берадиган бир қанча тавсияларни ҳам келтириб ўтади.

• Қишлоқ хўжалигида сув ресурсларидан фойдаланиш самарадорлигини ошириш: далаларни суғориш учун мўлжалланган ирригация тизимини яхшилаш, кўп сув талаб қилмайдиган уруғлардан фойдаланиш, қишлоқ хўжалигининг тежамкор технологиялари бўйича изланишлар олиб бориш ва уларни жорий қилишга маблағ ажратиш.
• Сув таъминотидаги мавсумий тебранишларни мувозанатга келтириш учун сувни тозалаш иншоотлари ва сув омборларини лойиҳалаштириш ва қуришга маблағ йўналтириш.
• Сувдан такроран фойдаланиш йўлларини излаш. Масалан, Вашингтонда сув тозаловчи станция канализация сувларини тозалаш жараёнида биозолид (компост) олмоқда.

Ўзбекистонда сув тозалаш станциялари ва сув омборлари бор, аммо мамлакатнинг ирригация тизими абгор аҳволда. Бундан ташқари, аҳолини тоза ичимлик суви билан таъминлашда ҳам муаммолар бор. Шундай экан, ҳар биримиз сувдан оқилона фойдаланишимиз зарур.

User Rating: 5 / 5

Ўзбекистон Республикаси Экология ва атроф муҳитни муҳофаза қилиш давлат қўмитаси Ўзбекистон Ахборот ва оммавий коммуникациялар агентлиги билан ҳамкорликда мамлакатимизда яшил ҳудудларни кенгайтириш, дарахтларнинг ноқонуний кесилиши каби ҳолатларга қарши қабул қилинаётган чора-тадбирларга бағишланган брифинг ташкил этилди.

2019 йил июнда Ўзбекистон Республикаси Вазирлар Маҳкамасининг қарори билан тасдиқланган, 2019-2028 йилларда Ўзбекистонда биологик хилма-хилликни сақлаш стратегиясига кўра, муҳофаза қилинадиган табиий ҳудудларни кенгайтириш,ҳайвонлар ва ўсимликларнинг камёб ва йўқолиб бораётган турларини қайта тиклаш, биохилма-хилликни сақлаб қолиш соҳасидаги халқаро муносабатларни ривожлантириш каби жиҳатларга қаратилган амалий ишлар режалаштирилган эди.
Қайд этилишича, юртимизда ўсимликларнинг 11 минг, ҳайвонот оламининг эса, 15.600 дан ортиқ тури бор. Шундан 324 хил ўсимлик ва 184 турдаги жонзодлар Ўзбекистон Республикасининг Қизилкитобига киритилган.

Ўсимликларни муҳофаза қилиш ва ундан фойдаланиш соҳасида ўтказилган давлат экологик назорати натижаларига кўра Республика миқёсида жами 2.524 та ҳуқуқбузарлик ҳолатлари аниқланган.

Ўсимлик дунёсига етказилган зарар 1.571 та даъво бўйича 2 млрд 243 млн. сўмни ташкил этиб, шундан 1.232 та маъмурий иш юзасидан 961,9 млн. сўм ундирилди.
«Ўсимлик дунёсини муҳофаза қилиш ва ундан фойдаланиш тўғрисида»ги қонуни талабларини бузиш натижасида жисмоний ва юридик шахсларга нисбатан 189 та маъмурий ва жиноий иш очилган.

User Rating: 5 / 5

10-11 сентябрь кунлари иқлим ўзгариши билан боғлиқ бўлган муаммолар ҳамда бу муҳим ва мураккаб мавзуни қандай қилиб тўғри ёритиш кераклиги ҳақида батафсилроқ маълумотга эга бўлишни истаган журналистлар учун миллий тренинг бўлиб ўтди. “Иқлим ўзгариши – ОАВ учун долзарб мавзу” тренинги Марказий Осиё минтақавий экологик маркази кўмагида Иқлим ўзгаришларига мослашиш ва Орол денгизи ҳавзасида унинг асоратларини камайтириш (CAMP4ASB) лойиҳаси доирасида ўтказилди.

User Rating: 5 / 5

    Сув бу - ҳаёт. Унинг ҳар томчисида ўн саккиз минг олам қуввати яширинган.
Биз одамлар ҳаётида сув энг муҳим ўринни эгаллайди. Чунки у ижтимоий ва маиший ҳаётимизда беминнат ёрдамчи, инсоният тараққиётининг асосидир.
Аммо биз одамлар табиатнинг мана шундай улуғ инъомини ҳамиша ҳам қадрлайвермаймиз. Шуни унутмаслик керакки, ҳар қандай инъомнинг чеки-чегараси бор.

User Rating: 5 / 5

     Suv hayotimizning ajralmas qismi hisoblanadi. Usiz hayotimizning bir lahzasini ham tasavvur qila olmaymiz. Yaqinda Yevropa Ittifoqining Toshkentdagi nodavlat tashkiloti va Ekomaktab rahbari Natalya Shivaldovalarning sayi harakati bilan yoshlar uchun daryo suvlarini tahlil qilish bo’yicha ekspeditsiya tashkil etildi. 23 nafar o’smir va yoshlardan iborat bo’lgan mazkur ekspeditsiya Chotqol tog’ tizmalari bo’ylab piyoda sayohatdan boshlandi.

    Bugungi ekskursiyamizda suvning kelib chiqishi va unga nisbatan odamlarning munosabatini o’rgandik. Ekskursiyamizdan asosiy maqsad, suvdan noto’g’ri foydalanishga olib keluvchi odatlar va stereotiplarni o’zgartirish, bizga berilgan bu ne’matni hurmat qilish va asrashdir.

User Rating: 5 / 5

    Bolaligimda daryo, dengiz, ummonlarni aslida qayerdan boshlanishiga juda qiziqardim. O‘zimcha xayol surib, hech o‘ylarimning oxiriga yetolmasdim. Go‘yoki, nazarimda daryo, dengiz, ummonlarning xayollarim singari poyoni yo‘qday edi. Haftning beshinchi kuni Juma… Xayollar ro‘yobga aylandi. Erta tongdan Yevropa Ittifoqining O‘zbekistondagi tashkiloti tashabbusi bilan tashkil etilgan “Ekomaktab” yetakchi rahbarlari bilan Chirchiq daryosi qayerdan boshlanib, qaysi daryolar bilan tutashishini hamda suvni ifloslantiryotgan omillar sababini o‘rganish maqsadida yo‘lga otlandik.